القياده فن,ذوق,اخلاق

الدرس الأول و الأهم







لما بتسوق سيارتك عامل كل السيارات والسواقين...كأعداءك





ما تستعمل أي إشارات ضوئية أو يدوية ...

لأنه هيك بتكشف نواياك وإتجاهك للأعداء ...

وإذا حبيت إعط إشارة اليمين وروح لليسار

ويكون شو ما يكون ....نداله








المشاة قوة معرقلة لالك

ما تهتملهن ولا تتطلع عليهن ... مع هيك تجنب أنكتمعس واحد منهن....

اذا ما كنت مهيىء ماليًا لانك تتحمل تبعات المعس والفعس










إذا كانت سيارتك قديمة ... إعتمد على مبدأ:

" اللي خايف على حالو يبعد "

إذا كانت سيارتك جديدة، إبعد عن السيارات المعفنة والمهرهره القديمه

لانهاعدو ما بيرحم وأصحابها بيدوروا عن تعويض مالي




لما تفوت على "ساحة " ما تتطلع على يسارك للسيارات اللي جاي باتجاهك لانه هيك يعني أنه منتبهلهن ومهتم ...

وبيصير لازم تعطيهن الطريق ... فبتفقد بهيك

حق من حقوقك المكتسبة....









في الإزدحامات المرورية إعتمد على قاعدة اساسيه وهي

: "اللي بيدخل بوز سيارته أول بيربح"



ما تنسا الاستمرار بالضغط علىالزمور ....

بس إحذر أنك تستخدم هاي القاعدة مع الشاحنات لكبيره

خوف علىبوز سيارتك هدوله ما معهن تفاهم...

وخوف على حياتك برضه !

لما بيكون السير بطئ، ما تترك مسافة بينك وبين السيارة اللي قدامك

أبدًا...لانه ترك مثل هذا الفراغ يعني دخول بوز سيارة قدامك ...

وهذا بيكون على حساب كرامتك بالطبع ...













حاول دائما انه يكون خط المسار بمنتصف سيارتك ...

يعني

معطل الشمال واليمين

محداش بيجتازك هيك









لما توقف على اشارة ضوئية ...

لازم تبدا بالتزمير اول ما يتغير اللون من احمر للاصفر ....

لحسن يكون السواق اللي قدامك ماخد غفوه

ويأخرك...









ممكن يخبط فيك تكسي من ورا .. بيكون مرات معذور ... يمكن شارد بالبنت يلي بالمقعد الخلفي معو ...

أو علقت الشحاطة بالفرامل

بتصييييييير اصبر شوي ....





أما في السير السريع....

فإحرص على أنك (تلز) بالسيارة االلي قدامك بكل سرعتك ولما يشوفك سواقها : بيكون هناك

ثلاث إحتمالات:







إذاكان السواق مؤدب كثير أو جبان، لا بد أن يفسح لك المجال علشان تجتازه،

وبهيك بتكون حققت نصر عليه ... وساعتها ممكن أن تنظرله نظرةإستصغار وأنت عمتجتازه






إذا كان مؤدب بس مش كتير...رح يفتحلك المجال لإجتيازه،

ولكن انتبه !!!

ساعتها ممكن تسمع شوية كلمات ممكن يكون فيها أسماء حيوانات أو أهالي أو أشياء أخرى ...يمكن !!

والمفروض تكون توقعت هالشي

أما إذا ما كان مؤدب وهاي الأغلبية السائدة في الشوارع حاليًا...









فرح يبدأ بالتباطؤ...

والتعطيل عليك محاول انه يفوتك بحيط او بشجرة...

ويفضل انو ماتكون حاطط حزام أمان علشان تنزله بسرعة ..

وتبدأ معركة صغيرة بالاول بالسب والشتائم



عيار تقيل ...

وبعدها بتبدا المعركه بالأسلحة البيضا
في الغالب ولازم تكون عامل احتياطاتك لوجود
كريك .سكين . عصاية .. قشاط.. مفك .. في سيارتك
مع تكرار نفس اسماء الحيوانات والأهل مع بعض التعديلات اكيد...

انت وحظك
وما تنسوا
القيادة فن وذوق وأخلاق...
وديروا بالكوا على حالكوا

يسلمو عالمعلومات اخ ابو المجد بس ما بنصح حد يعمل هيك هههههههههههههههه وشكرا

شكرا صلاح على مرورك

شكرا ملكة الاحساس وانا طبعا ما بنصح حد يعمل هيك ههههه

مشكوووووووووور اخ يوسف شكرا على مرورك

مشكور اخ عبد

العفووووووووو اخ احمد ثانكس على مروووووووووووك الجميل

مشكوووووووووووووور خيووووووو ابو المجد يسلمو