عشائر تلفيت

أخواني أعضاء المنتدى الطيب والمشرفين الاعزاء

يوجد في مدينة أريحا عشيرة اسمها عشيرة الغروف جدهم الأكبر اسمه حماد وكبار ومخاتير العشيرة يؤكدون أن أصل العشيرة من تلفيت وأنهم خرجوا منها الى أريحا.
وددت أن أسأل أهل الدراية والمعرفة منكم عن صحة هذه الرواية وهل فعلا هناك عشيرة في تلفيت لها فخذ اسمه حماد ولكنه ليس في تلفيت؟

وأقبلوا كل الشكر والتقدير

اهلا وسهلا بك اخي اول شي مبدئين صح اصلها من تلفيت رح اتحقق بخصوص العائله

بارك الله فيك يأخي معن,صدقا أثلجت صدري بجوابك, طيب اذا سمحت متى طلعوا من تلفيت تقريبا ومين اللي طلع وليش ومين قرايبهم اللي ظلو في تلفيت اي عيله يعني وشو شجرة عيلتهم الى اخره, لاني ياخي شغال عشجرة العيلة وتجميع تاريخها.

انا سئلت ابي حكه زمان طالعين بس مابعرف اسماء حكه يمكن بقربو لعائلة برهم يمكن مش اكيد العائله هاي موجوده عنا المشكله فش حد كبير بسن لنعرف الصح اما انو اصلكم من تلفيت صح واكيد

تحياتي الك أخي معن وشاكرلك كل جهدك, بناء عكلام الكبار عنا واللي وصلهم من أجدادهم أن جدهم الأكبر حماد طلع من تلفيت حوالي 1800 بسبب دم وقع بينهم وبين ناس تانيين ماعندي فكرة مين همه وشو سبب المشكلة.
عالعموم ماقصرت وكفيت ووفيت مع أني كنت حابب أعرف اذا في النا أقارب لسه هناك.
زي مابتعرف الناس الايام هاي بتدور عالعزوة دوارة

وتحياتي لكل أهل تلفيت

اخ يوسف تلفيت مفتوحه له اهلها بس ماسمعت عن دم سبب طلوع متل ماحكيتلك يمكن عائلة برهم بتقربلكم بس كلهم صغار مافي ختايره

شاكرلك أخ معن كتير عمساعدتك, وانشالله دايما تلفيت عامرة بأهلها وسواء كان أصلنا من هناك أو لا بتضلوا أهلنا وعزوتنا وكذلك الأمر احنا الكم نفس الشي ,الله يكرمني وأجيها زيارة ونتشرف بمعرفتكم.