مصطلحات شائعة....من الآخر

1 _ زعرنجي :
شاب في مقتبل العمر ، يحمل موس وزرد يلّوح فيه
ويضع LENCES أحمر
ويدور على الشر دواره

2 _ نسونجي :
عاشق على مستوى العصر ، يفتش بسراج وفتيلة على النسوان

3 _ الخير بيقول وبيغير :
عبارة شبة رجائية تقال للشخص الذي يضع رجلية بالحيط ،
وهو لا يأخذ ولا يعطي بالحكي

4 _ إلك ولا للذيب :
طبعاً الذين أسرع ، وبمكن ان تقال إلك ولا للنسناس
أو الواوي ، أو البسّ

5 _ نخونجي :
هو الذي يضرب عالفاضية والمليانه ، وشعاره دائماً
( يا حيف على الزّلم )

6 _ إقلب وجهك :
تماماً مثل شريط الكاسيت على الوجه الثاني

7 _ إللي بيرضى بيعيش :
تقال للكحيان والمتبهدل بحياته ، والذي لا يشبع من الخبز أو الكافيار

8 _ شو ما فيه :
تقال بصوت منخفض جداً ، وهي سؤال
لا معنى له ولا طعم ، ولا لون
وبايخ بالعربي الفصيح واجابته أبيخ منه

9 _ طاب بيك هبال :
يعني فقدت عقلك وانجنيت تماماً بس تروح وتلاقي امك مش طابخه

10 _ طقّع :
يعني بالعربي صرعه تجنن تهوس وما في مثلها ولا بشيكاغو

******************** *********** ******************

شو بدك بطول السولافة **
جملة محشورة داخل قصة يزيد عدد كلماتها عن 100000000كلمة

شايف علي**
تقال عندما يكون المستمع طبلا أجوف ولا يعرف رأسه من رجليه .

بدك الصحيح والا ابن عمه **
مقدمة لكذبة من الحجم العائلي

وماشفنالك الا **
موسيقى تصويرية قوتها 7.9 على مقياس ريختر لقصة سخيفة

صلي على النبي**
استراحة لكثير الكلام ليبلع
ريقه .

وما كذبت خبر**
عبارة لنفش العضلات وبداية لكذبة ورسم بطولات ما حصلت الابالخيال

انت بعدك ما بتعرفني **
تقال عندما يشعر المتكلم انه تبهدل وانمسحت بكرامته الارض

نشفت دمي**
تقال للذي يطلب كل دقيقة اعادة نفس الجملة بطريقة مختلفة

الله يستر على خلقه **
تقال بعد نهاية كل قصة تم فيها نشر قصص لا تقال لمواطن اومجموعة من المواطنين

اتمنيتك معي**
تقال لحرق أعصاب المستمع واذلال شعوره

فكح **

ومعناه مزط او هرب

تلولحي يا دالية **

تقال للشخص النحيف جدا وبترخرخ لدرجة الهبل

حادي عن الراس واذرب **

بلهجة اهل اربد والمعنى وفي مقوله اخرى حيد عن الراس واذرب
وتقال في الطوش او الخناقات انه يعني ما تعمل عمل كبير تندم عليه
ولكان حاول توجع بشكل غير مباشر
يعني لا تضرب واحد على راسه تنبلي فيه

إحفظ هالّلطش **

يقولها من أدى خدمة لحدا ومحملوا جميلة عليها

طقع - بكاسر القاف **

يقال انها كلمة دخيلة وأصبحت متداولة ومنشؤها الزرقا(مجمع الباصات ) وبالأخص من شوفيرية السرافيس الكوستر وتعني اشي روعة ومنيح جثير

فايـع/ فايـعة **

وتقال للبنت والولد اللي ماشيين عل الموظة أو على حل شعرهم أو شايفين حالهم - للتوضيح يعني من مناطق عمان الغربية وبالأخص عبدون وأخواتها

هاك **
يعني خذ او القف.. بس من غير نفس

بتتخوث يا ملوّث**

تقال لمن يحاول أن يخفف دمه وبتهبّل وهو فيش أزنخ من دمّو

يلعن روما **
مسبة قاسية جدا تقال عند الغضب بدل من سب الدين

مشرّت - بكاسر الرا وفتح الشين **
تقال عادة للظاربة فيوزاته او ولا حبة

الطنجير**
يقال انها من اصل طنجرة وتقال للشخص اللي مثل اللوح ومش عارف وين الله حاطّه

الشنتير**
تقال للشخص اللي حجمه كبير وعالفاظي

فستق فاظي **

تقال للشخص اللي بحكي كتير وما بعمل اشي

سحنة**

معناها ملامح وجه الواحد ... ويا محلا هالسحن الأردني

سنحك**

معذرة ... ما زال البحث جاري عن معناها

كزدر**

وتستعمل في المناطق الأقل حظا

منغنغ- الله يطعمنا **

معناها معاه فلوس كثيرة وجيبته مليانة مصاري

...

هههههههههههههههه ................ الموضوع من الاخر لولو مشكورة cheers

ههههههههههههههههههههههههههههههههههههههههههههههههههههههههههههههه

مشكورة كتير لولو

شكرا يا جماعة ..........شو هالمرور الـ very nice......نورتوا موضوعي

» نكت من الآخر
» نكته من الآخر :: علواه ما تطلع قديمه
» مصطلحات اردنية من الاخر .....................
» مصطلحات فلسطينيه واردنيه
» اهم مصطلحات الطبخ................