لجماعتنا اكيد فاهمين

كيف يقولونها ؟

* في اربد يقولونها هكذا :-
الأب : منو اللي ع الشجرة ؟
الابن : هاظا اني يابا اسماعيل مالك بطلت تعرفني ...
الأب : يا أم احمد دوك ابنش اسماعيل ع الشجرة اسع أيات بوقع وبتنكاسر ايده ... J
الأم : يا زلمه مالك , مال غضبك خلي الولد يلعب ( الميم في كلمة مالك مفخمه).

* في الكرك يقولونها هكذا :
الأب : منو اللي فوق الشجرة.
الابن : علامك يابا انت انعميت , هذا أنا ' ضيف الله '.
الأب : والله لألعن صباح ابوك, طيح عن الشجرة يا ملعون الوالدين لا تقع وبعدين انقوم نقل فيك ع الدكاتره.
الابن : ما ودي أطيح ....
الأب : والله ود اللي يسطح بطنك ان شاء الله. يا أم محمد روحي طيحي ابنك لامزع رقبتك ورقبته.

* في الخليل يقولونها هكذا :
الأب : محمآد ولك انزآل ل ل عن الشجر آآه ....
الابن : شو حكييييت.
الأب : بؤلك انزل هلأ بضربك بالساطوووووووور.
الابن : روح اضرب حاآآآآآآآلك.
الاب : يووووووووه ...... ام م م م محمآااد تعالي شوفي ابنك ضناكيييي ..... مش رآاادي ينزآل.
الأم : ابو محمآااد الله يؤصف عمرآاااك وعمر ابناآك , انا بدي اشتغل فيكووو هئيتاآاااه .

* في ' عبدون ' يقولونها هكذا :
الام : ماما سمير انزل عن الشجرة هلأ بتوئع وبتنكاسر ايدك وبصير عندك واوا
الابن : ماما , معليش خليني please يا ماما..
الأم : والله يا ماما انا خايفه عليك... يالله يا حبيبي مشان الماما انزل بس هالمره .... حبيبي سوسو ... دلوعة الماما.
الابن : ( يبدو غاضبا ) طيب ماما هيني نازل بس وحياتك اليوم مش رايح اشرب الحليب ولا راح آكل my lunch .؟؟؟

ههههههههههه حلوة كتييير ننتظر جديدك

مشكووووورة اخت سارة على الموضوع

قديمة
ههههههه
مشكورة

ههههههههههه

شكرا عالرد عاشقة

هاض واجبنا

اها اشي اكيد وطبعا واجبك عاشقة