اسهل طريقه لعمل المنسف على دجاج

color=green] المنسف على جاج من أسهل المناسف على الإطلاق

والمنسف على جاج عادة بينعمل في حالة الحاجة الملحة للمنسف ..

المنسف بيبدأ بكل بساطة بوجود اللبن الخاص ((المخيض)) بالمنسف وفي حالة عدم توفره بنقدر نستغني عنه ونجيب لبن عادي, هيك صار الوظع سمردح, بما إنه إستبدلنا اللحمة بالجاج واللبن الأصلي باللبن العادي..

المكونات: ملح, رز, جاج, بصل, جميد بلدي فاخر, خبز شراك من الآخر

أولا قبل ما تبدأ

بنجيب طنجرة كبيرة وبنحط معلقتين زيت بالقاع, وبنقطع راس بصل وبنقليه بالطنجرة, وبنفس الوقت بندير الجاجات معه عشان يستوا, بس نحس إنه بدوا يستوا شوي بندير عليهم مية, وبنسكر الطنجرة.

تاني شي بنجيب اللبن وبنخلطه بالخلاط وبنظيف معه الجميد البلدي او السائل المبروش مسبقا.


تالت شي بنجيب طنجرة تانية وبنحط اللبن والجميد المخلوط بالخلاط فيها وبنبدأ نحرك اللبن عشان ما يفقس ويبطل متماسك.

رابع شي زي الأسد بتضلك تحرك فيه لحد ما تنشل ايدك.

خامس شي أكيد هلأ بعد تقريبا نص ساعة صار الجاج مستوي, ينجيبه و بنظيفه مع المرقة اللي ضايلة معه للمنسف, عشان يعطي طعم صــــــح.

سادس شي الرز واللي هوه عمليته أسهل شي طبعا!

بتجيب طنجرة فاظية و بتحط بالقاع ملعقتين زيت, وبتحط فوقهم كاستين رز أو حسب الطلب, كل كاسة رز لتر ميية, وبعدين بتجيب قطعة ماجي وبتفركها وبترميها فوق الرز, او حسب الرغبه اذا بدك تحط ماجي او لأ خلال 10 دقايق بكون جاهز.

سابع شي بتفرد خبز هالشراك عالصينية, وبتحط فوقه الرز الجاهز وبتسقي هالرز بالمرقة المفعمة بطعم الجاج الأصلي, وبعدين بتفرد هالجاجات عالرز,

كلو وادعولي..

وصحتين وعافيه..

وشكرا .

((عمار نصار))[/color][flash][/flash]

ممشكوراخ عمار نصار
وصحتين وعافية على ألب اللي بحبو للمنسف انا ما بحبو
تقبل مروري

مع اني ما بحب المنسف بس مشكور

والله على راسي يا ابن الخال ومنسف على جاج ما ينفع
وتقبل مروري

يسلموا كتير على المنسف سيد عمار

مش المهم يكون المنسف على لحمه او
على جاج المهم طريقه الاكل زي ما حكي صلاح
وادحبر يكون على اصوله ......

بالنسبه للجاج يا حمزه
يا ابن عمتي هاي طريقه
ما حكيتلك تعال كل
وبعدين بلكي انا بحب الجاج اكثر من اللحمه
وشكرا

تفضل هي صحن يا اخ يوسف
اكثرلك شوربه ولا لأ
من بتحب قطعة اللحمه تكون
من الضهر ولا من الفخده

شكرا على مرورك

حبيب البي عمار
صحتين وعافيه

على راسي يا حب صحة وعافية والله